बैशाख ४,
कैलालीको जोशीपुरस्थित प्रसिद्ध विद्या निकेतनले एक कार्यक्रम विच शैक्षिक वर्ष २०८२ को वार्षिक परीक्षा फल प्रकाशन गरेको छ।
विद्यालयका सञ्चालक सिद्धराज जोशीको सभापतित्वमा सम्पन्न उक्त कार्यक्रममा जोशीपुर गाउँपालिका २ नं. वडा अध्यक्ष विष्णु प्रसाद डंगौराको प्रमुख अतिथ्यता रहेको थियो ।
अभिभावक, शुभेच्छुक, बुद्धिजीवी, शिक्षक तथा कर्मचारीहरूको उपस्थितिमा भएको कार्यक्रमलाई सम्बोधन गर्दै प्रमुख अतिथि डंगौराले जोशीपुरका संस्थागत विद्यालयहरूमध्ये प्रसिद्ध विद्या निकेतनले शैक्षिक गुणस्तरमा नमुना विद्यालयको पहिचान बनाएको बताउनु भयो । उहाँले आफ्नो वडाबाट विद्यालयको विकास र प्रवद्र्धनका लागि पूर्ण सहयोग रहने प्रतिबद्धता समेत व्यक्त गर्नुभयो।
त्यसैगरी अभिभावक सुधराम दहितले विद्यालय स्थापना कालदेखि नै उत्कृष्ट शैक्षिक स्तर कायम राख्दै आएको र आगामी दिनमा पनि यो विद्यालयले जोशीपुर क्षेत्रको शैक्षिक भविष्य उज्ज्वल बनाउने विश्वास व्यक्त गर्नु भएको थियो ।
कार्यक्रमका सभापति तथा विद्यालयका संस्थापक सञ्चालक सिद्धराज जोशीले आफ्नो मन्तव्यमा विद्यालयको शैक्षिक तथा भौतिक विकासका विविध पक्षहरू स्पष्ट पार्नु भएको थियो ।
२०७१ सालमा स्थापना गरिएको प्रसिद्ध विद्या निकेतनलाई यहाँसम्म ल्याउनुमा अभिभावकहरूको अमूल्य साथ र विश्वास मुख्य आधार रहेको र अबको लक्ष्य जोशीपुरलाई नै शैक्षिक केन्द्रका रूपमा स्थापित गर्नुका साथै क्षेत्रकै उत्कृष्ट शैक्षिक हब बनाउने प्रतिबद्धता समेत वहाँले व्यक्त गर्नु भयो ।
अभिभावकहरूलाई निश्चिन्त भई आफ्ना नानीबाबुहरुलाई यस विद्यालयमा अध्ययन गराउन आग्रह गर्दै आगामी दिनमा अझ गुणस्तरीय शिक्षा प्रदान गर्ने समेत वहाँले बताउनु भयो ।
शैक्षिक वर्ष २०८२ मा कक्षा ८ को BLE परीक्षामा पहिलो सहभागितामै विद्यालयले शतप्रतिशत -१००Ü) नतिजा हासिल गर्दै विद्यालयको गरिमालाई थप उचाइमा पु¥याएको छ । नयाँ शैक्षिक सत्र सञ्चालनका सन्दर्भमा नेपाल सरकार तथा जोशीपुर गाउँपालिकाको आधिकारिक सूचनाको प्रतीक्षामा रहेको र केही दिनमै नियमित पठनपाठन सुरु गरिने छ । यस अवधिमा भर्ना तथा सोधपुछ (Inquiry/Admission) सेवा भने निरन्तर सञ्चालनमा रहने छ । वहाँले भन्नु भयो ।
कार्यक्रम विद्यालयका प्रिन्सिपल राजेश चौधरीले सञ्चालन गर्नुभएको थियो। साथै कार्यक्रममा उत्कृष्ट विद्यार्थीहरूलाई पुरस्कार वितरण समेत गरिएको थियो।
