असार ११,
कैलालीको कैलारी गाउँपालिकामा बहुक्षेत्रीय पोषण योजना तथा पोषणमैत्री स्थानीय शासन कार्यान्वयन सम्बन्धी सरोकारवालाहरुलाई पालिका स्तरीय अभिमुखिकरण तालिम दिईएको छ।
पोषण संवेदनशील सेवाको उपलब्धता र गुणस्तर सुधार गरी समतामूलक पहुँच र उपभोगको सुनिश्चितता गर्नु, पोषणमेत्री प्रणालीगत पद्धति सस्थागत गर्नका लागि तीन तहका सरकार तथा सरोकारवालाको क्रियाशीलता, जवाफदेहिता र संस्थागत क्षमता अभिवृद्धि गर्नु, सामाजिक व्यवहार परिवर्तन मार्फत स्वास्य, पोषण र खानेपानी, सरसफाइ तथा स्वच्छता सम्बन्धी असल व्यवहार प्रवद्र्धन गर्नु कार्यक्रमको उद्देश्य रहेको थियो भने गुणस्तरीय पोषण सेवाको उपलब्धता र पहुँचको सुनिश्चतता गर्दै मानव जीवनचक्रमा पोषणको अवस्था सुधार गर्ने कार्यक्रमको मुख्य लक्ष्य रहेको थियो ।
शिक्षा, स्वास्थ्य, खानेपानी, महिला, कृषिको विकाससँगै वडाहरु बालमैत्री घोषणा गर्ने पालिकाको योजना रहेको गाउँपालिका उपाध्यक्ष भगवती कुमारी चौधरीले बताउनु भयो । लागुपदार्थ दुव्र्यसनी तथा बाल विवाह न्यूनिकरणका लागि आवश्यक कदमहरु पहल भईरहेको बताउँदै भौतिक संरचनाको विकास सँगै सामाजिक विकास हुन जरुरी रहेको पनि वहाँले बताउनु भयो । खानपान, रहनशहन, संस्कार सांस्कृतिक विकासका लागि आफुबाट सुरुवात गर्यौं भने अरु छरछिमेक, समाजले अनुशरण गर्छ । स्वास्थ्य समाज निर्माणमा सम्पूर्ण भलमन्सा, स्वयम्सेविका, स्वास्थ्यकर्मी, जनप्रतिनिधि सवै जना लाग्नु पर्छ । वहाँले भन्नु भयो ।
कैलारी गाउँपालिकाको आयोजनामा भएको अभिमुखीकणमा सामुदायिक विकास केन्द्र डोटीको सहकार्य रहेको थियो । अभिमुखीकरण तालिममा जनप्रतिनिधि, स्वास्थ्यकर्मी, समाजसेवी, बुद्धिजिवी, स्वास्थ्य स्वय्सेविका लगायतका सरोकारवालाहरुको उपस्थिति रहेको थियो । तालिमलाई कुपोषणको अन्त्य, मानवपूँजी निर्माण र समग्र आर्थिक सामाजिक विकास गर्ने बहुक्षेत्रीय पोषण योजनाको दिर्घकालिन सोच रहेको कार्यक्रमका प्रशिक्षक सज्जन योगेशले बताउनु भयो।
