भाद्र २९,
कैलालीको लम्की चुहा नगरपालिका –७ स्थित बालसेवा माध्यमिक विद्यालय चाकाबाँणीमा नृत्य प्रतियोगिता सम्पन्न भएको छ। ५९ औं राष्ट्रिय बाल दिवसको अवसरमा वडा स्तरिय आधारभुत, निम्न माध्यमिक र माध्यमिक विद्यालय तहको नृत्य प्रतिष्पर्धा भएको थियो । “बालबालिकामा लगानी, सुनिश्चित भविष्यको थालनी” मुल नारा रहेको प्रतियोगिता वडा स्तरिय बाल अधिकार समितिको आयोजना, बाल कल्याण संघ टीकापुरको समन्वय र लम्की चुहा नगरपालिका ७ नं. वडाको आर्थिक सहयोगमा कार्यक्रम सम्पन्न भएको हो । वडा अध्यक्ष भगवानदिन चौधरी को सभाध्यक्षतामा भएको कार्यक्रमलाई प्रमुख अतिथि लम्की चुहा नगरपालिकाका नगर प्रमुख शुसिला शाही, विशिष्ट अतिथि नगर उप–प्रमुख जुना चौधरी र लम्की चुहा नगरपालिकाका शिक्षा शाखा प्रमुखले सम्बोधन गरेका थिए ।
प्रा.वि. तहमा बाँसघारी प्रा.वि. खरौला प्रथम, राष्ट्रिय मा.वि. बाभनपुर द्धितीय र बालसेवा मा.वि. चाकाबाडी तृतीय स्थान प्राप्त गरेका छन् । त्यसै गरि नि.मा.वि. तहमा गोल्डेन फ्यूचर एकाडेमी खरौला प्रथम, राष्ट्रिय मा.वि. बाभनपुर द्धितीय र जि.टी. फारवैश्टर्न एकाडेमी तृतीय स्थान प्राप्त गरेका छन् भने मा.वि. तहमा बालसेवा मा.वि. चाकावाणी प्रथम र राष्ट्रिय मा.वि. वाभनपुर द्धितीय स्थान प्राप्त गरेका छन् । प्रतियोगितालाई पुर्ण बहादुर चौधरी, विकाश भुल र सुधराम दहितले निर्णायकको भूमिकामा रहेका थिए ।
कार्यक्रमलाई सम्बोधन गर्दै प्रमुख अतिथि शाहीले चुनावको समयमा कक्षा १ देखि कक्षा १० सम्म निशुल्क गर्ने प्रतिवद्धता गरे अनुसार नगरपालिका भित्रका सवै विद्यालयमा एकै पटक निशुल्क गर्न नक्ने बताए । उनले भने “विद्यालय छनौट भईरहेको छ। एक वर्षमा १० देखि १५ विद्यालय निशुल्क शिक्षा दिने योजना अनुसार पालिका संघर्षरत रहेको छ । वाँकी रहेको ४ वर्ष भित्र पालिका भित्रका सवै विद्यालयमा निशुल्क शिक्षा लागु गर्ने योजनामा पालिका अगाडी बढिरहेको छ।” पालिका भित्रका विद्यालयमा निर्माणाधिन अवस्थामा रहेको भौतिक संरचना पुरा गर्ने पनि वहाँले बताउनु भयो ।
त्यसै गरि विशिष्ट अतिथि उप–प्रमुख जुना चौधरीले सरकारले बाल अधिकारको विषयमा नितिगत रुपले कानून बनाए पनि अझै त्यहाँ सम्म अभिभावकहरु पुग्न नसकेको बताए । “अभिभावकहरु आफ्ना बालबालिकाहरुलाई हेरविचार गर्न सकिरहेका छैनन् । बालबालिकाहरु विद्यालय जान्छन् कि कतै बाहिर गईरहेका छन् । लागु पदार्थ दुव्र्यसनीले विकराल रुल लिईरहेको समयमा अभिभावकहरुले आफ्नो बालबालिकालाई हेरविचार गर्न जरुरी छ।” उनले भने ।