जेठ १९,
कैलालीको जोशीपुरमा नागरिक उन्मुक्ति पार्टीका संरक्षक रेशम चौधरीलाई एक कार्यक्रमका विच भव्य स्वागत गरिएको छ। जोशीपुर गाउँपालिका अध्यक्ष चित्र बहादुर चौधरीको सभापतित्वमा स्वागत कार्यक्रम भएको थियो ।
कार्यक्रमलाई सम्बोधन गर्दै थारु संस्कृतिसँगै पहिचान पनि धरापमा परेको कार्यक्रमका प्रमुख अतिथि रेशम चौधरीले बताउनु भयो । “थारुहरुको आफ्नै संस्कृति, परम्परा, चालचलन, रितिरिवाज रहेको छ । त्यहि संस्कृति, परम्परा, चालचलन, रितिरिवाजनै हाम्रो पहिचान हो । त्यही झुम्रा नाथ, लट्ठहुवा नाच, बर्का नाच, मुंग्रहुवा नाच, कठरिया होरी नाच, धमार गित, सोडेनी प्रथा, गुरुवा, बैदावा, भलमन्सा प्रथा नै हाम्रो पहिचान बचाएको छ । तर यि विषयहरु नेपालको संविधानमा उल्लेख छैनन् । संविधिानमा उल्लेख नभएकै कारण हामी हाम्रो हक अधिकारबाट बन्चित भइरहेका छौं । पिछडिएका छौं । हामीले हाम्रो पहिचान जोगाउन आवश्यक छ ।
परम्परागत प्रथालाई जोगाउन आवश्यक छ। पहिचानको लडाई नै हाम्रो लडाई हो। कुनै जाती, धर्म, लिंग, समुदाय सँग हाम्रो लडाई होईन् ।” वहाँले भन्नु भयो । आफ्नो समाजको पहिचानको लागि अझै ठुलो संबैधानिक लडाई लड्नु पर्ने पनि पहिचान वादी नेता रेशम चौधरीले बताए ।