जेठ ३०, जोशीपुर
कैलालीको जोशीपुर–३ मा रहेका शंकर सामुदायिक वन उपभोक्ता समूहले खाली तथा बाँझो ठाउँमा करिव १४ सय बोटा आँपका विरुवा हुर्काएर हाल आँप वेचेर मनग्य आम्दानी लिईरहेको छ । सामुदायिक वनले करिव १२ विगहा क्षेत्रफलमा आँप रोपेको थियो । हाल सम्म करिव ५० क्वीन्टल भन्दा वढि अाँप विक्रि वितरण भईसकेको उक्त सामुदायक वनका अध्यक्ष दान सिंह डंगौराले बताए । अाँप थोक मुल्य रु. ३५ प्रति किलोका दरले टिकापुरका व्यापारीले मिनि ट्रकमा खरिद गरि लगिरहेका छन् । स्थानिय समाजसेवी भिख्खे डंगौराका अनुसार सुरुवातमा आफुहरुलाई कसैले सहयोग नगरेको पछि अाँप बढेर आम्दानी दिन थाले पछि स्थानिय वासीले अक्सीजन तथा बैकल्पीक सामुदायिक वनको आम्दानीको स्रोत बनेको बताए । ३ नं. वडा सदस्य कालिराम चौधरीले अरु सामुदायक वनहरुले खाली तथा बाँझो जमिनमा अन्य फलफुल विरुवा रोपेर वनको आमदानीको स्रोत बढाउन सकिने बताए ।