का माननिय रेशम चौधरी जेलसे छुट्ना पक्का हो त ?

अगहन २६,
आजिवन कारावासके सजाय कट्टी आईल रेशम चौधरी लगायत राजनितिक कारणसे जेलजीवन कट्टी आईल हुक्रहनहे छुटाईक लाग सरकार अध्यादेश जारी कर्लेबा । अँवारके बैठल मन्त्रिपरिषद बैठक सो निर्णय करल एक मन्त्री जानकारी देलै । वहाँ कनै रेशम चौधरी छुटैना कैकेतो लिखल नाई हो तर राजनितिक कारणसे थुनामे रहल शान्ति प्रकृयाम अईना चाहल, अईना प्रतिवद्धता करलहुक्रहनके मुद्धा फिर्ता लेहे पैना कैके कानुन संशोधन कर्ना निर्णय हुइल बा । यि निर्णयसे राजनितिक मुद्धा लागल ओ शान्ति प्रकृयामे आईल तथा अइना क्रममे रहलहुक्रन सम्बोधन कर्ना वहाँँ बतैलै । यि निर्णयसे जेतमे रहल रेशम चौधरी सहित विप्लब समूहक जेल जिवन वितैती आईल कार्यबर्ता हुक्रनहे फाईदा पुगे सेकी ।
सरकारके अध्यादेश सँगे नागरिक उन्मुक्ती पार्टीक संरक्षक रेशम चौधरीक समर्थक हुक्रे डिल्ली बजारस्थित कारागार पुगल बातै । वहाँ छुटेन आशासहित वहाँका समर्थकहरु डिल्ली बजार कारागार पुगल बातै । नागरिक उन्मुक्ति पार्टीक नेतृ राधा चौधरीक अनुसार सयौं समर्थकहुक्रे पार्टीक झण्डा लैके डिल्ली बजार पुगल बतैलै । समर्थकहुक्रे नारावाजी समेत कर्ति रहल फे बहाँ बतैलै । नागरिक उन्मुक्तिक अध्यक्ष रञ्जिता चौधरी श्रेष्ठ कनै रिहाई के प्रक्रिया सुरु हुईल बतैलै। वहाँ सक्कु सामाजिक सञ्जाल मार्फत समर्थकहुक्रहनहे संयमित हुईना आग्रह फे वहाँ कर्लि । वहाँ कनै “माननिय ज्यूके रिहा हुईना प्रकृया हुईती बा । अब्बे ततकाल नाई निक्रही । अध्यादेश राष्ट्रपतिज्यूसँग पुगी तव प्रक्रियागत रुपमे नयाँ कार्यदिशा तयार पश्चात बाहर निकर्ना प्रकृया हई”