जोशीपुर/कुँवार ३१,
१७ जेष्ठ २०७९ मा जोशिपुर गापा ७ में रहल अनमोल मुख्यमंत्री नमूना कृषि गाउँ समन्वय समिति घैलाके आयोजना मे ५०% अनुदानम कृषि यन्त्र १९ थो पावर टिलर व २ थो पम्पसेट मेसिन बितरन करगिल रहे।
तर चार महिना नाई बिते पाइल सेवाग्राही कृषक हुकन झट्का लगल बातिन। नेपाल सरकार के ५०% अनुदान कृषि उपकरण के लग नयाँ तुलसी ट्रेड लिंक से समझौता हुइल अनुसार भुक्तानी हुइल तर सेवाग्राही किसान हुकन के पावर टिलर के रकम समयमै भुक्तानी नाई करागिल जानकारी नयाँ तुलसी ट्रेड लिंक के सहजकर्ता राजेश कठरिया बटैलै। बाध्यताबस ट्रेड लिंक आपन उपलब्ध कराईल कृषि उपकरण जफत कर्ना बाध्य हुइल । ५०% अनुदान में किसान हुकन वितरण हुइल मध्ये ९ पावर टीलर असोज २९ गते विभिन्न ठाउँ से कम्पनी तान के लैगिल जानकारी नयाँ तुलसी ट्रेड लिंक टीकापुरके प्रविधिक देलै।
अनुदान में आइल सामग्री के ५०% आधा रकम किसान हुँक्र तिर सेक्ले रहै तर प्रदेश सरकार अन्तर्गत के कृषि उपकरण वितरण में सहभागी हुइल समुह अथवा सम्बन्धित निकाय रकम चुक्ता ओर ध्यान नै दैकै लापरबाही करल देखा परल । सेवाग्राही किसान चक्र बहादुर चौधरी के डेहल जानकारी अनुसार अनुदान रकम बाहेक के १ लाख १५ हजार नगद रकम समुह में जम्मा करके मात्रै पावर टिल्लर उपलब्ध हुइल रहे । अनमोल मुख्यमंत्री नमूना कृषि गाउँ कृषक समन्वय समिति के संयोजक जीत बहादुर चौधरी वेवास्ता करल व सम्पर्क से बाहर रहल जानकारी वहाँ देलै। नयाँ तुलसी ट्रेड लिंक के अनुसार ४ महिना बितल सम किसान से हुइना भुक्तानी सम्बन्धित कृषक समुह नाई बुझाइल के कारण अन्तिम विकल्प पावर टीलर तानल जानकारी डेलै।
किसान हुकण तमान समस्या खेप्ती आइल समय एक ओर खेत्वका धान बाली सम्रहना दोसर ओर रकम बुझैल पर कंपनी कृषि उपकरण तान के लैजिना दुखेसो प्रकट करले बाटै। कहा कौन पक्ष से कमजोरी अथवा लापरबाही हुइल बा तुरुन्तै एकर समाधान हुईक परल पीडित रामु चौधरी बाटैलै।